Cesare Cremonini
C'l artìcul chè 'l è scrit in
Miranduléś |
![](http://upload.wikimedia.org/wikipedia/commons/thumb/6/66/Cesare_Cremonini_2009.jpg/260px-Cesare_Cremonini_2009.jpg)
![](http://upload.wikimedia.org/wikipedia/commons/thumb/9/91/Cesare_Cremonini_09_2009.jpg/260px-Cesare_Cremonini_09_2009.jpg)
Cesare Cremonini (Bulåggna, 27 ad Mars dal 1980, a s lèś [ˈtʃeːzare kremoˈniːni] in itagliàṅ) 'l è 'n cantànt, 'n sunadōr e 'n atōr emigliàṅ.
Da 'l 1999 a 'l 2002 'l è stâ la vóś dal grup di Lùnapop che cun 'l àlbum ...Squérez? i aṅ vindû da piò 'd un migliòṅ e mèś ad còpi faghénd vgnir fóra di sìngui 'd sucès cuma 50 Special, Un giorno migliore e Qualcosa di grande.
In séguit 'l à cuntinuâ na caréra da par lò tacànd da 'l àlbum Bagus dal 2002 (ch'l à vindû da piò ad duśènt-sinquantamìla copi e ch'al gh'iva dènt'r al pès Gli uomini e le donne sono uguali) e pasànd pò p'r i disc Maggese (2005) e Il primo bacio sulla Luna (2008).
In dal Maǵ dal 2010 'l à fat catàr in di negòsi la sò prima racòlta, 1999-2010 The Greatest Hits, c'n i braṅ inèdit Mondo e Hello!, qvést chè cantâ insém a la Malika Ayane. I sò dū ùltim lavōr in studi i èṅ La teoria dei colori (2012) e Logico (2014).
Cesare in dla sò caréra 'l à anc recitâ in dū film, òṅ par Pupi Avati, Il cuore grande delle ragazze (2011).
Discugrafìa
Da par lò
Àlbum
- 2002 - Bagus
- 2005 - Maggese
- 2008 - Il primo bacio sulla Luna
- 2012 - La teoria dei colori
- 2014 - Logico
da 'l Viṿ
- 2006 - 1+8+24
- 2015 - Più che logico (Live)
Racòlti uficiàli
- 2010 - 1999-2010 The Greatest Hits
- 2015 - Logico Project Limited Edition
C'n i Lùnapop
Àlbum
- 1999 - ...Squérez?
Filmugrafìa
- 2002 - Un amore perfetto, regìa ad Valerio Andrei
- 2011 - Il cuore grande delle ragazze, regìa ad Pupi Avati